Страна: США
Здравствуйте меня зовут Дилором. Я родилась в солнечном городе Ташкенте. Закончила Национальный Университет Узбекистана, факультет романо-германской филологии.
Защитила кандидатскую Диссертатцию на темы » Британская Историография о завоевании Центраьной Азии (Конец 19- начало 20 веков).
Получила Грант Конгресса- Фулбрайт, работала по научной теме в Колумбийском Университете, Нью Йорк.
По специальности Филолог Узбекского-Английского языков .
Живу в США.
Я считаю, что мой путь выбрал меня событиями, которые произошли со мной лично, и событиями, которые я видел, разворачивающимися передо мной. Вдохновением для моего творчества является моя семья, особенно мой дедушка, мои родители и мои дети. Они еще больше подпитывают мой творческий энтузиазм своими историями и идеями.
Мне посчастливилось побывать на мероприятии в Брюсселе 2019. Я бы сказал, что главным образом EGC влияет на мое творчество через необходимость делиться с людьми своей историей. Я считаю, что люди всегда заинтересованы в хорошем чтении, особенно если оно касается реальных событий из жизни, оно приближает вас к аудитории и писателю под рукой.
Моя мотивация — моя семья. Семья важна с точки зрения обучения и демонстрации аспектов вашей жизни, о существовании которых вы не знали. Развернуть слои их жизни и более внимательно и осмысленно взглянуть на мою. Моя миссия в написании книг состоит в том, чтобы мой голос был услышан, а читатель мог рассказать о своей жизни и/или истории. Я считаю, что люди имеют схожие модели поведения и идут по жизни, сталкиваясь с одними и теми же проблемами, а способность размышлять об обстоятельствах и записывать их — это само по себе волшебство.
Страна: США
Отрывок из прозы “Письма”
Ассалому алайкум, азиз, меҳрибон Онажоним,
Дадажон ва меҳрибоним Ойижоним,
Ассалому алайкум!
Бу хатни сизларга жўнатишдан олдин, Оллоҳга минг шукрлар айтиб, сизларнинг соғлиғингизни, тинчлигингизни сўрайман.
Худога минг шукрлар бўлсинким, Онажоним, дуо-шарофатингиз остида, дунёнинг энг улуғ давлати Aмерикада соғ-саломат, тинч юрибмиз.
Сизларни ҳар соат, ҳар дақиқа эслаймиз, расмларингизни ҳар кеч бир кўздан ўтказамиз, онажон, меҳрибоним берган китобчангизни кўз қорачиғидай сақлаб келяпман. Тасбеҳни эса деворга осиб қўйдим. Маликанинг сумкачасида соат бор, шу соатда Тошкентдан учиб кетаётганимда, она-Ватанимиздан дарак берсин деб, шу маҳаллий вақтни қўйгандим, ҳозир Тошкентда кеч 10 бўлди, бизда бу ерда 1230 кундуз куни. Кеча аэропортга бориб, Тельман Дадаевични кутиб олдик. Аэропортга Тимур билан Тимурхон кетишди. Биз Малика билан уйларни йиғиб, ош қилиб тайёрлаб ўтирдик.
Қайнотамни кўрган замон дарров сўрадим, менга нима олиб келдингиз, хатлар борми менга, деб сўрадим. Ичим куйиб, у киши-йўқ, ҳеч қандай хат йўқ, биз телефон орқали гаплашдик, ҳаммалари тинч-саломат, ҳаммалари кўп саломлар айтишди, дедилар. Шунда мен йиғлагим келиб кетди. Яна бир бор сўрадим, хат йўқми менга, деб. Бир зум карахтдек бўлдим, шундагина 13 сентябрни кўп кутганимни, хат олиш учун, сизлардан бирор хабар кутиб, эслаганимни тушундим. Ҳечқиси йўқ.
Ҳозир болалар ва қайнотам шаҳар айлангани кетишди. Кеча бизни камерада суратга олишди. Бугун эрталаб Университетни кўрсатдим. Ҳозир уйда ёлғиз ўтирибман, у киши бугун кечқурун бошқа шаҳарга кетадилар. Шунинг учун бу хатларни бериб юборяпман.
Онажон, отажон, бувижон, Гуля, болалар, Жамшид, Музаффар, Жаҳонлар, эсон-омонмисиз, кайфиятлар, ишлар тузукми? Ҳозир Тошкентда айни пишиқчилик бўлса керак-а? Об-ҳаво қандай? У ерда меҳрибоним, холажоним анча ўзларига келиб қолгандирлар? Болалари тузукми?
Биздан ҳаммага салом айтинглар, хўпми? Онажон, сизнинг дуои шарофатингиз тагида, Оллоҳнинг қудрати билан бу узоқ ерларда эсон-омон юрибмиз. Шу 10 кун ичида жуда кўп ишлар қилдик. Биз бир ҳафта Университет меҳмонхонасида яшадик, жуда меҳмонхоналари зўр. Бизни жуда яхши кутиб олишди. Одамлар меҳрибон, ёрдам бергувчи, кулиб туради. Хуллас, 10 кун деганда биз янги квартирага кўчиб ўтдик. Уйимиз, Нью-Йоркнинг юраги Манхэттенда жойлашган бўлиб, 16 қаватли. Шу университетнинг рўпарасида энг гўзал паркнинг бўйида. Биз 2 қаватда яшаймиз. 2 хонали. Мебеллари жуда яхши. Эрталабдан кўм-кўк дарахтзор кўринади. Бу район Манхэттенда кўп бой одамлар турадиган жой бўлса керак, худди бизнинг Дархонга ўхшаш. Яна бир томони, қулайлиги, автобус, метро, магазинлар ҳамма-ҳаммаси яқин, жуда гўзал, тинч, осойишта район. Уйимизнинг томида ресторан бор. Энг қиммат ресторан, кечки пайт бу ресторанга келаётган бойваччаларни томоша қилиб ўтирамиз. Уйимизда охрана бор. 3 та лифт, ҳар бирида ойнали кузатувчи бор, пастда холлда кузатувчи ўтиради, бирор кишини уйимизга қўйишдан олдин, бизга телефон қилиб, “Дилоромхон, уйингизга сизни сўроқлаб келишибди, рухсат берасизми, кирсинми”, деб сўрайди. Бу энг муҳим янгилик биз учун. Университет омон бўлсин, кўп ёрдам берди, ҳа, айтгандек, кухняси қўғирчоқдек, янги газ ва янги холодильник ҳам бор. Бу уйга кўчмасдан туриб, менга телефонда қандай шароит керак, деб сўрашганда, кухняда янги газ ва холодильник бўлсин ҳамда 2 та катта каравот бўлсин, болаларим кундан-кунга кўп овқат еб, ўсиб кетишяпти, деган эдим, худди шундай уй ҳозирлаб қўйишди. Ванна, туалет – кафель. Бу уй ҳам мени кутаётган экан-да , деб ўйлайман. Бу ҳазил, албатта.
Иккинчи энг муҳим масала. Болаларни мактабга жойладик. Яхши одамлар кўп дунёда. Улар ёрдам беришди. Биз болаларни энг шароити яхши — яъни хусусий мактабга жойладик. Тимур ва Маликалар имтиҳон билан киришди. Улар бу ерда нима қилиб юрибсиз, деб сўрашганда, мен “Колумбия Университетидан илмий иш ёзгани келдим, Ўрта Осиёдан бўламиз, (Ўзбекистонни ҳеч ким билмайди), Америка билан Ўрта Осиё иқтисодий алоқалари ҳамкорлигини ўрганаман, хуллас биласиз-ку, АҚШ энг йирик давлат, Сизнинг мактабингизда болаларим ўқишини жуда истаймиз. Бутун Ўрта Осиё ҳозирда АҚШга қараб турибди”, десам, директори, аёл киши экан, кулиб, “Ўрта Осиёлик олиманинг фарзандларига жой топиб берамиз”, деб, ишқилиб, қабул қилишди. Мактабчи, онажон, хавотир олманг, 2 қадам, дарслар соат 8:30дан 2:45 гача бўлади. Ҳар бир синфда 8 та ўқувчи. Хуллас, овқатларни бепул берадиган бўлди. Болалар китобларигача, ҳаммасини шу мактаб беради, у ҳам 6 қаватли. Ҳашаматли, жуда маданий.
Лекин, энг асосийси, мен Профессор Эдвард Олворт билан учрашдим. Ўрта Осиё илмий тадқиқот маркази менга ўтириб ишлашим учун алоҳида хона ажратиб, хона эшигига Др. Д. Нишонова, деб ёзиб қўйибди. Энди бу шарт-шароитлари яхши, телефон, компьютер, кўп китоблар, хонам 12 қаватда жойлашган бўлиб бутун университет майдони кўриниб туради. Калити ўзимда. Хуллас, домла билан гаплашганда авваламбор ўзимнинг келиб чиқишим тарихимни сўзлаб бердим, албатта, сиз тўғрингизда гапирдим. Сизнинг ёрдамингиз, умуман оиламиз ҳақида. Ойижоним ҳақида, улар совет тарихшунослиги билан шуғулланган тарихчи эканларини, олган медаллари — ҳаммасини гапириб бердим. Домла кўп ҳайратда бўлди. Университет ҳақида, Тошкент ҳақида гаплашдик. Хуллас, домла шу вазиятимни билиб, бир ҳафта вақт бердилар, шу уй-жой дегандек ишларга. Ҳаммасини, Худога шукур, қилдик. Эртага душанба, олдиларига бориб иш бошлаймиз. Фақат соғ-омон бўлинглар. Уйимизга телефон душанба куни ўтказамиз.
Болалар жуда яхши. Америка кўп ёқяпти-ку, аммо Тимур кўп сизларни гапиради, мушугини эслайди. Ойижоним соғлиқлари яхшими? Бу ерда кўз дорисини тополмасам, сизни қўлингизга дори топа олсам юбораман.
Бу гал ҳеч нарса бера олмадим. Вақт тиғиз бўлиб қолди. Лекин, Худо хоҳласа, юборарман. Отажон, Қорасувдаги уйимиз турибдими? Бориб турибсизми ? Раҳмат, сизга.
Жуда-жуда кўп нарсалар ёзгим келяпти, лекин сизни кўп ўйлайман.
Онажон, мендан ҳаммага салом айтинглар. Жамшид, Шоҳидага ҳам.
Хуллас, менга тез-тез хат ёзинглар. Ёки эсларингиздан чиқиб кетмай., хўпми?
Ҳар ҳолда Тошкент ҳавосини тез-тез олиб турсам, узоқдалигим қисқаргандек бўлиб, сизларни кўргандай бўламан. Омон бўлинглар. Соғ бўлинглар. Оллоҳ қудратидан эсон-омон бўлиб, кўришгунча ҳаммангиз соғ-бахтли бўлинглар. Ҳаммага кўп раҳмат! Сизларни минг бор қучиб, ўпаман. Қизингиз Дилором, Темурхон, Малика ва Раджабов! Ура!
Хайр, 14.9.96.
*****
Салом Дилором!
Америка деган юртга бориб олиб, тинч-омон юрибсизларми? Саломатликларингиз (катта-кичик Тимурнинг, Маликанинг, ўзингнинг) яхшими? Кайфиятлар қалай? Сизларни тинч-омон жойлашиб олганингизни эшитиб кўп хурсанд бўлдик. Охиригача шундай бўлсин, деб, дуо қилиб ўтирибмиз.
Дилором, бизлар ҳаммамиз тинч-саломат юрибмиз, онангнинг соғлиғи ёмон эмас. Бир-икки кун сал мазаси қочиб қолди, ҳозир яхши. Бувинг, Музаффар, Жамшид, Гуля, Мунаввар, Азиз ва Баётлар яхши юришибди. Мунаввар тез-тез телефон қилади бизнинг уйга.
Сени сўрайди, Тимур ва Маликани сўрайди. Бизнинг иш кунимиз сенга маълум, ҳаммамиз ишга кетамиз, уйда онанг ва бувинг қолади, холос.
Ўтган куни Нафиса холанг келди, улар ҳам тинч-саломат юришибди. Сенга, Тимур ва болаларга кўп салом айтишди. Улар ҳам тинч, Мухтор почча дам олмоқда. Гуля ва Музаффар ҳар галгидек иш билан банд. Эрта кетиб, кеч келишади. Дугонанг Азиз келди, ҳат ташлаб кетди.Мен уйингга тез-тез кириб турибман, ҳаммаси жойида, ташвиш қилма! Эрта-индин университетга бораман, пулинг масаласида. Ўзларингга, болаларга эҳтиёт бўл!
Болаларнинг ўқишлари яхшими? Ўрганишай, деб қолишдими? Ўзингнинг ишларинг яхшими? Университетда нима гаплар?
Биздан ташвиш қилманглар, тинч-ором, ишларингни амалга оширишга ҳаракат қилгин!
Хайр, саломат бўлинглар, ҳаммаларингизга кўпдан-кўп салом йўллаймиз. Омон бўлинглар!
Ҳа, айтгандек, майиз, баргак, исириқни Гўзал орқали бериб юбормоқчимиз, улар ҳам яқин кунларда йўлга чиқишади.
Отанг 19/09/1996
(Пока оценок нет)
Загрузка…